Real Madridi po shkon ‘all-in’ për nënshkrimin e Alphonso Davies këtë verë. Kanadezi e ka pasur emrin e tij në axhendën e Real Madridit për shumë vite dhe Florentino Pérez dhe José Ángel Sánchez i sugjeruan Carlo Ancelottit mundësinë e nënshkrimit të tij.
Media spanjolle “DefensaCentral” bëri me dije disa detaje rreth atij takimi trepalësh (JAS, Carletto dhe Florentino) dhe një nga emrat që doli në atë bisedë shumë të gjatë prej më shumë se 2 orësh ishte ai i Alphonso Davies.
Mbrojtësi i Bayernit të Mynihut pëlqehet shumë dhe në Madrid duhet të bëjnë një përpjekje të madhe për të firmosur me të. Për këtë, në Valdebebas janë të gatshëm të ofrojnë në total 70 milionë euro për kanadezin.
30 milion cash plus transferimin e Mendy. Pra, 40 milionë që vlen anësori francez dhe 30 milionë euro të tjera për të larguar Davies nga Bayerni. Plani B, është të ofrohen 70 milionë cash.
Në Bernabéu ata e dinë se është një operacion kompleks, por do ta provojnë sepse klubi e kupton që kjo pjesë e fushës, krahu i majtë, mund të përmirësohet qartë pasi lëndimet e vazhdueshme të Mendy e pengojnë atë të ketë vazhdimësi.
Në klub besojnë se ka ardhur koha për ta shitur atë dhe merkato nuk ofron një opsion më të mirë se ai i Davies. I vendosur në elitën e futbollit botëror, i parë me sy të mirë nga elita e klubit mbretëror dhe duke ushtruar presion ndaj Bayernit për t’u larguar nga Allianz Arena. Nënshkrimi është në qendër të vëmendjes.
Discussion about this post