Real Madrid ndeshet këtë të shtunë me Cadiz në kuadër të javës së 29-të të kampionatit spanjoll. “Los Blancos” duke parë impenjimin që do kenë të martën e ardhshme në Champions por edhe diferencën e madhe të pikëve nga vendi i parë, kanë vendosur të bëjnë disa rotacione.
Ajo që bie në sy ama është që janë lënë jashtë lojtarë me shumë peshë në formacionin e teknikut Carlo Ancelotti.
Sipas përditësimeve të fundit nga Arancha Rodriguez, Vinicius Jr dhe Toni Kroos do të mungojnë në ndeshjen e ardhshme në La Liga.
Sipas raportimeve, dyshja nuk iu bashkua pjesës tjetër të skuadrës në stërvitjen e sotme dhe po vuajnë nga mbingarkesat. Si rezultat, trajneri Carlo Ancelotti do t’i lërë pushim për ndeshjen kundër klubit andaluz.
Në fakt ishte raportuar që të enjten se Kroos kishte pësuar një lendim të vogël gjatë ndeshjes së parë çerekfinale të UEFA Champions League kundër Chelseat në mesjavë.
Sa i përket Vinicius, fantazisti brazilian ka luajtur pa pushim gjithë sezonin deri tani dhe pothuajse gjithmonë luan të gjithë 90 minutat e një ndeshjeje pa u zëvendësuar.
Pra, ka kuptim që Ancelotti t’i japë atij dhe Kroos një frymëmarrje kundër Cadiz nesër, veçanërisht duke pasur parasysh se Real Madrid do të përballet sërish me Chelsean javën e ardhshme në Stamford Bridge për ndeshjen e dytë të çerekfinales së UCL.
Përveç Kroos dhe Vinicius, Ferland Mendy është një tjetër lojtar që është i padisponueshëm për përballjen me Cadiz. Kthimi i francezit është ende shumë larg.
Ndeshjet e kampionatit shihen tashmë nga Ancelotti si një mundësi për të aktivizuar lojtarët e stolit.
Discussion about this post