Rreth katër mijë agjentë policie do të vendosen në gadishmëri në Katalonja, të dërguar nga qeveria e Madridit për të mos lejuar mbajtjen e referendumit për pavarësi. Ndërkohë vijnë dhe reagimet ndërkombëtare, ku pjesa më e madhe mbështesin Madridin
Mbetet i lartë tensioni në Katalonja, ministri i brendshëm spanjoll Huan Zoido, informoi qeverinë e Barcelonës se ka dërguar përforcime policore për të ruajtur rendin. Ndërkohë që janë lënë të lirë të gjithë drejtuesit politikë të arrestuar, por manifestuesit që protestuan kundër arrestimeve janë akuzuar për dhunë. Nga ana e tij presidenti katalanas Puidemon i ka bërë apel botës duke kërkuar mbështetje.
Sias mediave spanjolle, bëhet fjalë për rreth katër mijë agjentë policie, që do i bashkohen 5 mijë kolegëve të ture në Katalonja. Në vend janë dhe rreth 17 mijë agjentë policie vendorë. Ministri i brendshëm spanjoll konfirmoi se agjentët e policisë nuk do të lejojnë mbajtjen e referendumittë konsideruar të paligjshëm, si dhe do të ruajnë rendin duke parandaluar trazirat
qeveria e Madridit ka marë me qera tre tragete për të transportuar agjentët e policisë, të cilët janë ankoruar në portet Barcelonës dhe Taragonës. Tragetet që do të qëndorjnë në Katalonja deri në 3 tetor, mund të mbajnë deri në 6600 pasagjerë. Ministria e brendshme spanjolle bëri të ditur se ka anuluar lejet e agjentëve të policisë në mënyrë që të garantojnë respektimin e vendimit të gjykatës kushtetuese për mos mbajtjen e referendumit të paligjshëm të Katalonjës.
Autoritetet katalanese po marrin masa të njënpasnjëshme për trë anuluar sanksionet e qeverisë qëndrore duke filluar që nhga pezullimi i sekretarit të përgjithshëm të ekonomisë i cii ishte një nga të arrestuarit nga rojet civile në 20 shtator. Sipas zëdhënësit të qeverisë katalanase, pezullimi i tij nga posti ishte për ti evituar një gjobë prej 12 mijë eurosh në ditë, që i është vënë nga gjykata kushtetuese e Madridit për të dënuar mos bindjen e tij
Në një editorial të publikuar në Uoll Strit Xhornal dhe i ri publikuar nga mediat spanjolle presidenti katalanas Puidemont, i ka bërë apel të gjithë demokratëve në vend që të mbështesin katalonjën në betejën e saj mes lirisë dhe autoritarizmit. Sipas tij qeveria spanjolle nuk mund të ndalojë mbajtjen e referendumit për pavarësi.
Por presidenti i parlamentit europian Antonio Tajano deklaroi se qeveria spanjolle ka të drejtë, duke shpresuar se do të ketë një zgjidhje politike në mënyrë që Madridi dhe Barcelona të rifillojnë sërish bisedimet.
