Shefi i diplomacisë së Bashkimit Evropian, Josep Borrell, ka bërë me dije se ka zhvilluar një bisedë telefonike me kryeministrin e Kosovës, Albin Kurti dhe presidentin serb, Vuçiç lidhur me referendumin që pritet të mbajë Serbia në 16 janar për ndryshimet kushtetuese. Borrell përmes një postimi në rrjetin social Tëitter tha se është e rëndësishme që qytetarët serbë në Kosovë, të ushtrojnë të drejtën e votimit.
“Bisedova me kryeministrin Kurti dhe presidentit Vuçiç lidhur me grumbullimin e votave në Kosovë për referendumin kushtetues që mbahet të dielën në Serbi. Grumbullimi i votave në të kaluarën është bërë me lehtësimin e OSBE-së. Qytetarët duhet të jenë në gjendje që ta shfrytëzojnë të drejtën e tyre të votimit”, shkruan ai.
Kryeministri Kurti po ashtu përmes tëitterit tha se serbët mund të votojnë përmes postës, pasi referendumi i një shteti tjetër në Kosovë është i papranueshëm nga vendet demokratike.
Discussion about this post