Policia e Tiranës ka arrestuar dy persona të cilët iu vidhnin llogaritë në rrjetet sociale shtetasve të ndryshëm dhe u kërkonin para për t’ua rikthyer. Të arrestuarit janë 59-vjeçari, Pashuk Alia, banues në Tiranë dhe një 37-vjeçari Liridon Peka banues në Tiranë, për veprën penale “Mashtrimi kompjuterik”, kryer në bashkëpunim.
Gjatë aksionit, janë sekuestruar 1 pajisje kompjuterike, 2 aparate celulare, dokumente arsimore të dyshuara të falsifikuara dhe dokumente të tjera të ndryshme.
Mësohet se Liridon Peka, administronte llogaritë në rrjetet sociale, të vjedhura për përfitim, dhe shtetasi Pashuk Alia, që merrte shumat e parave që dërgonin shtetasit që u ishin vjedhur llogaritë në rrjetet sociale
Nga ana e Njësisë për Hetimin e Krimit Kibernetik po vazhdojnë hetimet për zbardhjen e plotë të këtij aktiviteti kriminal në fushën e mashtrimit kompjuterik.
Materialet iu dërguan Prokurorisë pranë Gjykatës së Shkallës së Parë të Rrethit Gjyqësor Tiranë.
Discussion about this post