Refugjatët afganë të strehuar në Kosovë, të cilët nuk kanë kaluar testet e sigurisë për të hyrë në SHBA, mund të dërgohen në Amerikën e Jugut.
Sipas Wall Street Journal, zyrtarët amerikanë janë në bisedime me shtetin e vogël të Surinamit për të pritur afganët e strehuar në Kosovë.
“Jemi duke e konsideruar. Në përgjithësi Surinami është shtet ku njerëzit mund të adaptohen shpejt”, ka thënë një zyrtar amerikan.
ShBA ka dërguar në Kampin Bondsteel në Kosovë një numër të konsiderueshëm të afganëve të cilët u larguan nga regjimi i talebanëve.
Presidenti i Surinamit u takua me Sekretarin Blinken një ditë më parë, ku dyshohet se temë e diskutimit ishte pikërisht edhe pritja e afganëve. Ky shtet është një nga më të larmishmit në Amerikën Latine, me grupe popujsh si afrikanët, indianët, kinezët e japonezët.
Grupi i afganëve që janë në Kosovë u tha SHBA-ve se ata kanë shqetësime rreth planit për t’i dërguar ata në Surinam për shkak të nivelit të krimit në vend dhe prodhimit të ulët ekonomik, sipas disa zyrtarëve që folën për The Wall Street Journal.
Discussion about this post