Presidenti i FSHF Armand Duka akuzoi kryetarin e Bashkisë së Tiranës, Erjon Veliaj, duke thënë se refuzoi ndihmën e federatës për të ndërtuar ambiente stërvitore. Duka u shpreh se kryeqyteti vuan nga mungesa e fushave sportive. Gjithsesi ai shtoi se pavarësisht raporteve të këqija me Veliajn, FSHF është gati të punojë për ti dhënë mundësi dhe kushte më të mira fëmijeve të Tiranës.
“Tirana është kryeqyteti i Shqiperisë dhe është detyre institucionale që të bëjë punën e tij. Padiskutim që i kemi ofruar bashkëpunim Bashkisë së Tiranës për të ndërtuar infrastrukturë sportive e cila mungon shumë në Tiranë, nuk kemi marrë një përgjigje. Mbase sepse kanë qënë të përgatitur për të bërë atë që bënë në mars me zgjedhjet ne federate. Por kjo nuk do të thotë që ne nuk jemi të gatshëm. Sepse kjo nuk është çështje emrash. Unë nuk bëj asgjë për Erion Veliajn si individ dhe bëj çdo gjë për fëmijët e Tiranës, për futbollin e Tiranës”.
Pyetjes së moderatores Vilma Masha nëse Duka do të bashkepunonte me Veliajn në 2023 ne kuadër të Tiranës, kryeqyteti europian i sportit, ai iu përgjigj:
“Pikërisht sic thashë, çdo gjë që i shërben futbollit jam I gatshëm, sepse kjo nuk është individuale, është për futbollin, është për fëmijët e Tiranës.”, u shpreh Duka, i ftuar në “Studio Sport”.
Discussion about this post