Policia e Shtetit ka shtyrë deri më 31.10.2023, afatin e aplikimeve për t’u pranuar në Akademinë e Sigurisë, për shtetasit që kanë përfunduar ciklin e dytë të studimeve të arsimit të lartë, në shkencat juridike, shkencat ekonomike, kompjuterike ose në ato elektronike, dhe që kanë mesataren e notave mbi 8, në ciklin e dytë të studimeve të arsimit të lartë, në këto degë.
Sipas Policisë së Shtetit, qëllimi i shtyrjes së afatit të aplikimeve është dhënia e mundësisë së sa më shumë studentëve ekselentë, që të bëhen pjesë e policisë, duke qenë së kërkesat e adresuara kanë qenë të shumta.
Gjithashtu, policia informon se aplikimet e kryera deri tani, janë të vlefshme.
“Për më shumë informacione mbi procedurën dhe mbi kriteret që duhet të plotësohen, të interesuarit duhet të paraqiten në drejtorinë vendore të Policisë, ku kanë vendbanimin.
Ministria e Brendshme dhe Policia e Shtetit, me qëllim afrimin e kapaciteteve profesionale për strukturat e hetimit, të Policisë Kriminale, të parandalimit të pastrimit të parave dhe të krimit kibernetik, ftojnë dhe nxitin të gjithë studentët që kanë kryer ciklin e studimeve dhe që përmbushin kriteret, të marrin pjesë në garën për t’u bërë pjesë e Policisë së Shtetit”, thuhet në njoftimin e policisë.
Discussion about this post