Surpriza e madhe ka ndodhur në vigjilje të ndeshjes ndërmjet kombëtares së Anglisë dhe Shqipërisë. Trajneri italian Edi Reja ka vendosur të dërgojë në tribunë sulmuesin Armando Broja i cili nuk figuron në protokollin e ndeshjes. Më herët FSHF sinjalizoi mungesën e Brojës nëpërmjet një video në rrjetet sociale para duelit ku u prezantuan fanellat e skuadrës teksa aty vërehej mungesa e sulmuesit shqiptar.
Nuk mësohet arsyeja e këtij vendimi të trajnerit Edi Reja pasi futbollisti u stërvit normalisht me skuadrën ditën e djeshme gjatë grumbullimit me kombëtaren. Duhet theksuar që Broja ka vuajtur një dëmtim ditët e fundit por u mendua se i’a doli të rikuperohej në kohë por mungesa e sotme konfirmon se djaloshi i talentuar nuk është në formën e duhur për të përballuar një ndeshje të këtyre nivele.
Discussion about this post