Rekord infektimesh në Itali, shënohen mbi 100 mijë raste brenda një dite

Situata e pandemisë në Itali vijon të jetë kritike. Gjatë 24 orëve të fundit janë shënuar shifra të larta infektimesh ndikuar edhe nga varianti i ri i COVID, Omicron.

Sipas raportit nga Ministria e Shëndetësisë, sot janë shënuar 101.762 raste të reja me koronavirus nga 612.821 tamponë që janë bërë. Pozitiviteti ishte 16.6%.

Në 24 orët e fundit janë regjistruar 227 vdekje të tjera (krahasuar me 157 të dielën) në total, që nga fillimi i pandemisë, numri i fataliteteve ka arritur në 139,265.

Në terapi intensive janë shtruar 1606 pacientë ndërsa janë shëruar 56560.