Ditën e sotme është mbyllur java e tretë e Abissnet Superiore dhe ajo që bie në sy është se të gjitha takimet janë mbyllur në paqe.
Laç barazoi sot Kukësin me rezultatin 2-2, ndërsa me këtë rezultat Verilindorët qëndrojnë në krye të tabelës me shtatë pikë, ndërsa kurbinasit në vendin e nëntë me vetëm dy pikë.
Ndeshja tjetër që u luaj ditën e sotme ajo midis Egnatias dhe Skënderbeut mbaroi me barazimin 1-1, rezultat i cili e rendit skuadrën e Rrogozhinës në vend të tetë me dy pikë, ndërsa Skënderbeu është me po aq pikë në vend të gjashtë.
Ditën e dielë u luajt në ‘Elbasan Arena’ supersfida midis Partizanit dhe Vllaznisë, që po ashtu mbaroi me barazimin 1-1. Nga ky rezultat ‘Të kuqtë’ e kryeqytetit qëndrojnë të shtatët me dy pikë, ndërsa shkodranët në vendin e tretë me pesë pikë në tre takime.
Teksa të shtunën u luajtën dy ndeshjet e para ajo midis Kastriotit dhe Tiranës, që mbaroi në paqe me shifrat 1-1, duke bërë që ekipi i Krujës të renditet në vend të fundit me vetëm një pikë, ndërsa Bardheblutë e kryeqytetit në vend të pestë me pesë pikë.
Ndeshja tjetër që u zhvillua ditën e shtunë ishte ajo midis Teutës dhe Dinamos. Ky takim përfundoi pa asnjë gol, pra me rezultatin 0-0 dhe aktualisht durrsakët renditen në vend të dytë me pesë pikë, teksa ‘Nëndetësja blu’ në vend të katërt me po aq pikë
Ndeshjet e planifikuara për javën e katërt të Abissnet Superiore:/K.T/Gijotina.com
