Këtë të mërkurë në orën 19:45 Dinamo do të përballet në transfertë me Skënderbeun për takimin e javës së 15 të Superligës ose të fundit për vitin 2021.
Në këtë përballje trajneri Bledi Shkëmbi nuk do të ketë në dispozicion mesfushorin Besir Demiri, i cili mori karton të verdhë në ndeshjen me Vllazninë, duke plotësuar 4 të tillë dhe si rrjedhojë nuk mund të luajë në takimin që do zhvillohet në ‘Elbasan Arena’.
Duket se as portieri Bakaj nuk do të jetë në gjendje të luajë kundër Skënderbeut, kjo për shkak se ende nuk e ka kaluar gripin.
Ndonëse rezultoi negativ në testin e Covid-19, gardiani i portës së ‘Bluve’ të kryeqytetit nuk është ende në gjendje për rikthim.
Rikujtojmë se në takimin me Vllazninë debutoi portieri 17-vjeçar, Simon Simoni, i cili bëri një paraqitje shumë të mirë./K.T/Gijotina.com
Discussion about this post