Salernitana ka njoftuar se një tjetër anëtar i skuadrës ka rezultuar pozitiv me COVID-19. Ndeshja e tyre me Udinese të martë, u anulua për shkak të dy lojtarëve që ishin infektuar me koronavirus.
Në një deklaratë të bërë publike pasditen e sotme, klubi i Serie A konfirmoi se një tjetër anëtar i skuadrës doli pozitiv sot.
Klubi theksoi se personi në fjalë ndodhet në karantinë. Salernitana është në mes të një krize, pasi ata gjithashtu rrezikojnë të përjashtohen nga Seria A nëse klubi nuk mund të gjejë një blerës të ri deri më 31 dhjetor.
Kjo është për shkak se pronari Claudio Lotito tashmë drejton Lazion, kështu që rregullat ndalojnë dy klube që të jenë në pronësi të të njëjtit person në një kampionat./K.T/Gijotina.com
Discussion about this post