Këngëtarja Barbana Dini, përmes një mesazhi në rrjet, ka kujtuar vëllain e saj, reperin Ergi Dini, i cili u nda nga jeta 7 vjet më parë në një aksident me motor.
Barbana shkruan se, edhe pse kanë kaluar 7 vite, asgjë nuk ka ndryshuar dhe se malli vetëm shtohet.
“Sot, 7 vite pa ty! Sa më mungon, vetëm Zoti e di!
Asgjë nuk ka ndryshuar, jam këtu e mbushur me dhimbjen e ikjes tënde dhe shume mall që vetem shtohet…
Të dua përjetësisht unë dhe mbesa jote Ergola, e cila erdhi këtë vit si bekim për të mbajtur emrin tënd…
Sa keq që nuk e njohe dhe nuk të njohu fizikisht, do jetë një nga brengat më të mëdha të jetës sime daja Ergi!”, shkruan ajo.
Ergi Ndini humbi jetën në nëntor 2016 në një aksident me motor. Aksidenti ndodhi në atë kohë pranë urës së “Bllokut” në Bulevardin “Bajram Curri”, teksa drejtuesi ka humbur kontrollin e mjetit.
Dy të rinjtë kanë qenë duke udhëtuar me motorin e tyre tip “Yamaha”, teksa asnjë prej të rinjve nuk mbante në kokë kaskë mbrojtëse.
Discussion about this post