Reperi i njohur Agon Sylejmani i cili njihet nga publiku me emrin Agon Amiga ka folur së fundmi për një nga konfliktet më të bujshme të hip-hopit shqiptar.
Për gati dy dekada BabaStars dhe OTR kanë qenë dy grupet në konkurrencë të vazhdueshme dhe shpesh kanë pasur edhe konflikte fizike e sherre të mëdha. Vite më parë anëtarët e dy grupeve patën një grindje fizike mes tyre në aeroportin e Zyrihut.
Për këtë histori së fundmi ka dhënë detaje ish-anëtari i BabaStars, Agon Amiga në një ‘live’ të zhvilluar në Instagram me personazhin e njohur të rrjeteve sociale Kozak Braçin. Agoni ka treguar gjithë ngjarjen se si ka ndodhur përleshja fizike, duke thënë se ishte Ledri Vula ai që i pari goditi Noizyn, për të vazhduar më pas edhe të tjerët.
“Ishim në aeroplan për Zurich, nuk e dija që ishte edhe Noizy, dhe duke dal nga aeroplani po më thotë Geti edhe Noizy është këtu, ishin edhe Ledri, Visari, unë mbeta i fundit dhe doja ta takoja, duke ecur vjen Noizy përball meje dhe po e shikoja, dhe po i them më njeh, më tha më dukesh fytyrë e njohshme, dhe i thash të tregoj sa të dalim nga aeroporti. Noizy ishte vet i dyti, ka qenë edhe Dafina Zeqiri me Ledrin, dhe ky i fundit e godet menjëherë Noizyn, u rrahëm dhe më pas na zunë policia, Geti e kërkonte zinxhirin e tij, si ka mbërri Noizy në hotel ka postuar pamje me zinxhir të Getit me vete duke pyetur fansat se a e din kujt i takon ky zinxhir”.
Më tej ai ka folur edhe për arsyet e mosmarrëveshjen me Getoar Selimin, me të cilin ka ndërprerë bashkëpunimin prej kohësh.
“Konflikti me Getin shkurt dhe shqip lindi punë interesi, punë leku, kështu konflikt fizikisht nuk kam patur asnjëherë”.
Kujtojmë që disa prej personave të përfshirë në konflikt sot gëzojnë raporte të mira me njëri-tjetrin. Ledri dhe Noziy tashmë kanë raporte shoqërore, madje dyshja në vitin 2017 sollën edhe një bashkëpunim së bashku “Dje & Sot”, e që u prit mirë nga ana e fansave të tyre.
Discussion about this post