Reperi i njohur, Don Xhon, është ndaluar sot rreth orës 14:30 nga njësitë e Policisë së Kosovës.
Don Xhoni ndodhej në veturën tip “Range Rover” të shokut të tij, Festim Strumcaku, kur u ndalua për kontroll, në rrugën “Tirana” në Prishtinë.
Një video e publikuar nga “FrontOnline” tregon momentin kur reperi me prejardhje nga Drenasi, është kontrolluar nga Policia e Kosovës.
“Pas një kontrolli të detajuar që i është bërë dy personave, dhe veturës, policia ka arritur që të gjej dhe të sekuestroj: Një armë të shkurtë, një karikatorë si dhe 6 fishekë”, njofton policia.
Policia njofton se i dyshuari, Festim Strumcaku, mashkull 25 vjeç, shtetas i Republikës së Kosovës, është dërguar për intervistim, në stacionin policor në Prishtinë.
“Ndaj tij është iniciuar rasti për mbajtje në pronësi, kontroll ose posedim të pa autorizuar të armës dhe i njëjti më pas me vendim të prokurorit është liruar në procedurë të rregullt”, përfundon njoftimi i policisë.
Pas intervistimit, Don Xhon ka publikuar një fotografi me mikun e tij në InstaStory, duke e pyetur me shaka se çfarë e pyetën policët gjatë kontrollit.
Discussion about this post