Reporteri i Shqipërisë në Bashkimin Evropian, David Lega, tha se Shqipëria duhet që të plotësojë 15 kushtet që BE i ka vënë, para se t’i çelen negociatat.
Me anë të një postimi në “Twitter” ai përsërit fjalën e KE-së, ku thotë se besueshmëria e BE-së varet nga hapja e negociatave me Shqipërinë.
“KE vazhdon të përsërisë se besueshmëria e BE varet nga hapja e negociatave të pranimit me Shqipërinë. Ndërsa më duhet të theksoj se besueshmëria e BE-së varet nga përmbushja e 15 parakushteve që BE i ka vënë Shqipërisë, kjo para se të vazhdohet me procesin e pranimit në BE”, shkruan Lega.
Parlamenti Europian ka përfshirë në rezolutën për hapjen e negociatave me Shqipërinë, 15 kushtet, vënë nga BE, të cilat Shqipëria duhet ti ketë përmbushur përpara mbajtjes së Konferencës së Parë Ndërqeveritare.
PE votoi me 388 vota pro, 280 vota kundër dhe 19 abstenime, amendimet që Grupi i Partive Popullore Europiane (PPE) kishte kërkuar për rezolutën e hartuar nga eurodeputeti Tonino Picula për hapjen e negociatave me Ballkanin Perëndimor.
Kushtet u vendosën nga Këshilli Europian me propozimin e Gjermanisë, Francës, Holandës, Danimarkës dhe Spanjës në mars të këtij viti.
