Reshje shiu dhe temperatura të ulëta, njihuni me parashikimin e motit për sot

Shqipëria do të jetë nën ndikimin e vranësirave të shumta për gjatë gjithë 24 orëshit të sotëm.  Ato do të sjellin dhe reshje shiu në territor, të cilat do të jenë më të pranishme në zonën e veriut.

Sipas MeteoAlb, pritet që herë pas here të kemi dhe reshje në formë rrebeshi. Ndërsa mbrëmja dhe nata përmirësojnë gradualisht moti në Shqipëri.

Temperaturat e ajrit do të ulen lehtë në mëngjes dhe në mesditë duke luhatur vlerat ditore nga 9°C deri në 25°C.

Era do të fryjë mesatare dhe e fortë me shpejtësi 50 km/h nga drejtimi Jugor – Jugperëndimor duke krijuar në brigjet detare dallgëzim mbi 4 ballë.