Qarku i Korçës është përfshirë sot nga reshje të dendura dëbore, çka ka sjellë dhe probleme në disa fshatra dhe pengohet qarkullimi në disa akse rrugore. Bëhet me dije se, Reshje ka patur gjatë gjithë natës ndërsa vijojnë ende edhe tani në mëngjes por me intensitet të ulët. Qarkullimi tek të gjitha akset si në ato nacionale por edhe në ato turistike kryhet lehtësisht.
Trashësia e borës në këto akse varion nga 2 deri në 7 cm. Vetëm aksi Korçë-Dardhë kërkon përdorimin e pajisjeve dimërore. Nga ana e Autoritetit Rrugor Shqiptar punohet për të mbajtur hapur dhe për të mos patur probleme tek te gjitha këto akse.
Sa i përket furnizimit me energji elektrike 9 fshatra në Maliq dhe Pogradec prej 24 orësh janë pa energji elektrike. Bëhet fjalë për fshatrat Babjen, Marjan, Mjaltas e Dolanec në njësinë administrative Gorë dhe fshatrat Derdushë, Osnat, Sterkanj, Lekas e Niçë të njësisë Dardhas në Pogradec
Discussion about this post