Këtë të martë është pezulluar lundrimi në portin detar të Vlorës.
Kushtet jo të qëndrueshme hidrometeorologjike kanë detyruar kapitenerinë të njoftojë mjetet lundruese të pezullojnë aktivitetin e tyre. Anijet e peshkimit dhe mjetet e vogla nuk do të dalin në det për të shmangur ndonjë incident të mundshëm.
Era do të fryjë në drejtimin jug-juglindje me një forcë 5-6 ballë dhe me shpejtësi 10-15 m/s.
Në mesditë do të ketë një përmirësim të kushteve, por sërish kushtet e detit do të përkeqësohen.
Tragetet do të jenë të vetmet mjete lundruese të cilat do të vijojnë normalisht aktivitetin e tyre.
Përmirësimi i kushteve hidrometeorologjike pritet të ndodhë ditën e premte.
Deri në datën 5, të gjitha mjetet e sipërpërmendura do të qëndrojnë të pezulluara.
