Vendi ynë është pushtuar nga kushte jo të mira atmosferike që në mbrëmjen e kaluar, ndërsa sot situata është përkeqësuar. Në këtë kuadër, Autoriteti Rrugor Shqiptar i bën thirrje që drejtuesit e automjeteve të tregohen të kujdesshëm dhe të respektojnë sinjalistikën rrugore për të parandaluar aksidentet.
Raportohet në disa zona ka reshje bore në zonat malore dhe shiu. Ndërkohë në rrugën e quajtur “Shkalla e zezë” ka pasur edhe rrëshqitje. Sipas ARRSH, gjatë natës dhe në orët e para të mëngjesit ka pasur reshje shiu dhe dëbore në zonat malore.
Drejtuesit e mjeteve duhet të bëjnë kujdes në lëvizje, për shkak të lagështisë dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore. Më problematike shfaqen akset Elbasan-Grmash, Elbasan- Librazh, disa akse në Pogradec, Korçë, Kukës dhe Dibër.
Discussion about this post