Pas Vlorës, reshjet e dendura të shiut dhe era e fortë kanë shkaktuar probleme të shumta në Durrës. Disa rrugë kryesore janë duke përmbytur duke bllokuar edhe lëvizjen e mjeteve.
Uji ka vërshuar në disa lagje të qytetit, ku kanalizimet nuk kanë mundur të përballojnë prurjet e shumta.
Si rezultat i reshjeve te shiut ka prani të ujit në disa pika problematika në qytet, si tek kryqëzimi i Stadiumit, tek Stacioni i trenit, në lagjen 17, në zonën e Kënetës dhe Shkozet, ku është vështirësuar lëvizja e këmbësorëve dhe mjeteve.
Situata vijon prej vitesh problematike në Durrësit përsa i përket përmbytjeve të rrugëve sa herë ka reshje.
Ndërkohë, në port, dallgët e larta kanë detyruar pezullimin e përkohshëm të lundrimit për flotën e peshkimit.
Kapiteneria e Durrësit njofton se situata do të monitorohet nga afër deri në qetësimin e kushteve atmosferike.
Discussion about this post