Nënkalimi i autostradës Fushë-Mamurras është përmbytur për shkak të reshjeve të dendura të shiut, të cilët kanë shoqëruar vendin gjatë 24 orëve të fundit. Pamjet e publikuara tregojnë se si shiu ka përmbytur pjesën e nënkalimit duke vështirësuar qarkullimin e automjeteve.
Shkak për këtë gjë është bërë bllokimi i zgarave të kullimit të ujërave, neglizhencë e sektorit të mirëmbajtjes në këtë aks, teksa kjo situatë përsëritet sa herë ka reshje të dendura shiu.
Stuhia e fortë e erës dhe shiut që përfshiu vendin tonë ditën e djeshme, duke u përkeqësuar më shumë gjatë natës, ka lënë pasoja të shumta në disa qytete. Që prej mesditës janë raportuar probleme në Vlorë, ku një pjesë e madhe fshatrave atje mbeten pa energji elektrike, ndërsa u anulua edhe koncerti i Pavarësisë. Ndërsa shirat e shumtë kanë vijuar edhe gjatë natës duke krijuar probleme në disa akse rrugore. Ndërkohë, bëhet me dije se Lungomare, zona te “Albano dhe Romina” , zona te “Biblioteka” janë disa nga zonat që vazhdojnë të ndodhen nën pushtetin e shiut.
Discussion about this post