Muzeu Etnografik i Gjirokastrës, së shpejti do jetë jo vetëm një nga atraksionet turistike të qytetit të gurtë, por së bashku me disa prej muzeve të qytetit që po i nënshtrohen rikonceptimit e rijetëzimit do të krijojnë rrjetin e muzeve të hapur.
Kryeministri Rama inspektoi sot, gjatë vizitë në Gjirokastër, kantierin e restaurimit të Muzeut.
“Këto ndërhyrje plot detaje, ndërthurur me punimet e artizanëve do të ruajnë vlerat më të mira të traditave gjirokastrite e do të flasin me gjuhën e kohës”, shprehet Rama.
“Jemi në një nga pikat e sistemit të hapur të muzeve, një nga programet e integrua për të lidhur disa pika e për t’i kthyer në muze në qiell të hapur. Muzeu Etnografikë është në 40% të punës tashmë. Këtu kemi edhe pjesë të pllakave me shkrime nga Edward Lear të cilat do të jenë pjesë e shesheve ku do jetë i gjithë itinerari i Edward Lear”, shpjegoi projektin ministrja e Kulturës, Elva Margarti, ndërsa shoqëroi kryeministrin në këtë kantier të hapur pjesërisht për vizitorët.
Ndërhyrja e parë në këtë Muze ka qenë restaurimi dhe rikuperimi i çatisë, e cila ishte në një gjendej tërësisht të amortizuar.
