Këngëtarja e njohur kolumbiane, Shakira dhe piloti i Formula 1, Lewis Hamilton janë në një lidhje intime. Këtë lajm e ka konfirmuar revista e njohur ‘People’.
Lajmet për romancën e tyre kanë nisur para disa javësh, ku ata u panë duke kaluar kohë së bashku në Grand Prix të Miami.
Revista People ka marrë burime të sigurta dhe ka konfirmuar se ata janë vërtetë në lidhje. Sipas revistës, lidhja e tyre karakterizohet nga një dinamikë “argëtuese dhe flirtuese”, dhe aktualisht dyshja janë në proces njohjeje.
Dy nga miqtë më të ngushtë të Shakirës dhe Hamilton kanë treguar për revistën se dyshja janë duke u njohur me njëri-tjetrin.
Kujtojmë që dyshja u panë së bashku në Çmimin e Madh të Spanjës F1 në Barcelonë. Këngëtarja dhe Lewis u panë sërish së bashku më 10 maj, vetëm tre ditë pas Çmimit të Madh të Miami. Për më tepër, Hamilton gjatë një interviste tha që është në kërkim të një partnereje latine.
“Më duhet të gjej një latine”, tha Lewis.
Ndonëse asnjëri nga ata nuk e kanë publikuar lidhjen e tyre, sipas revistës People të gjitha shenjat tregojnë se dyshja janë në një lidhje me njëri-tjetrin.
Discussion about this post