Njeriu më i pasur në botë nuk ka shtëpi dhe së fundmi ka qenë në procesin e shitjessë pasurisë së tij. Ai hedh satelitët në orbitë dhe ‘lidh’ diellin; ai drejton një makinë që ka krijuarvetë, që nuk përdor naftë dhe mund t’ja dalëedhe pa shofer. Me një lëvizje të gishtit të tij, tregu i aksioneve ngrihet lart ose bie. Një ushtri besimtarësh varet nga çdo fjalë e tij. Ai ëndërron për Marsin teksa qëndron pranë Tokës, me nofulla katrore dhe i paepur. Kohët e fundit, Elon Musk pëlqen gjithashtu të postojë live në Twiteer jashtëqitjet e tij.
Ky është njeriu që aspiron të shpëtojë planetin tonë dhe të na sjellë një të ri për të banuar: klloun, gjeni, zot në teh, vizionar, industrialist, shoëman; një hibrid i çmendur i Thomas Edison, P.T. Barnum, Andrew Carnegie dhe Doctor Manhattan, njeriu-perëndi me lëkurë blu, i cili shpik makina elektrike dhe shkon në Mars. Kompania e tij fillestare e raketave, SpaceX, ka tejkaluar Boeing dhe të tjerët për të zotëruar të ardhmen e Amerikës në hapësirë. Kompania e tij e makinave, Tesla, kontrollon dy të tretat e tregut shumë-miliardë dollarësh të automjeteve elektrike dhe vlerësohet në 1 trilion dollarë. Kjo e ka bërë Musk, me një pasuri neto prej më shumë se 250 miliardë dollarë, qytetarin privat më të pasur në histori, të paktën në letër.
Ai është një lojtar në botën e robotëve dhe energjisë diellore, kriptomonedhës dhe klimës, implanteve kompjuterike për të shmangur kërcënimin e inteligjencës artificiale dhe tuneleve nëntokësore për të lëvizur njerëzit dhe mallrat me supershpejtësi. Ai dominon Wall Street-in: “Mënyra se si funksionon financa tani është se gjërat janë të vlefshme jo në bazë të flukseve të parave të tyre, por në afërsinëe tyre me Elon Musk,” shkroi kolumnisti i Bloomberg Matt Levine në shkurt.
Musk ka kaluar një jetë duke sfiduar urrejtësit; tani, me sa duket, ai më në fund është në gjendje t’i vendosë në karrigen e tyre. Pasi viti 2021 ishte viti i Elon Unbound. Në prill, SpaceX fitoi kontratën ekskluzive të NASA-s për të çuar astronautët amerikanë në Hënë, për herë të parë që nga viti 1972. Në maj, Musk moderoi Saturday Night Live. Në tetor, gjigandi i makinave me qira Hertz njoftoi se planifikonte të shtonte 100,000 Tesla në flotën e kompanisë.
Discussion about this post