Juventusi është në përfundim të një cikli dhe për sezonin e ardhshëm duhen shumë ndryshime, në mënyrë që klubi të kthehet në majën e Italisë dhe të synojë majën e Europës.
Klubi nga Torino, sipas medieve italiane, ka në plan të bëjë ndryshime të mëdha dhe planet janë të qarta. Drejtuesit kanë hartuar një listë të shkurtër me të paprekshëm, pra lojtarë që do jenë në qendër të projektit dhe askush tjetër nuk e ka vendin e sigurt.
De Ligt, Cuadrado, Chiesa, Bonucci, Kulusevski dhe Danilo janë lojtarët, të cilët Juventus i konsideron të paprekshëm, ndërsa pjesa tjetër, përfshirë edhe Cristiano Ronaldon kanë shanse të largohen.
Në rast se klubi bardhezi nuk kualifikohet në Europa League, largimet do jenë më masive. Përveç Ronaldos, që është me një këmbë jashtë nga klubi pritet të largohen edhe të tjerë, që nuk janë përshtatur do largohen, për të rritur të ardhurat në klub.
Rabiot, Demiral, Ramsey e Bernardeschi janë në merkato dhe në rast se vjen oferta e duhur në drejtim të klubit, ata do shiten. Dougas Costa u bashkua me Gremion në Brazil dhe u bë largimi i parë nga Juventusi.
