Ndërsa para Parlamentit po zhvillohet protesta e thirrur nga kryedemokrati Sali Berisha. Kryeministri Rama nuk ndodhet aty, ai ka pasur një takim me kryeministrin e Bavarisë, Markus Söde. Ai është pyetur për Revolucionin Demokratik, që po kërkon opozita dhe mes ironie ai tha se po sillen pa kuptim. Sipas Ramës demokratët së pari nuk merren vesh e nuk flasin të njëjtën gjuhë me njeri-tjetrin.
Ndërsa më tutje u shpreh se qeveria nuk i merr në konsideratë, por vazhdon me planet e një tjetër revolucioni, atë të teknologjisë. Por, protesta e opozitës po bëhet jo për interes të qytetarëve, u shpreh ai më tej.
“Ka shumë gjëra që nuk mjafton të duam ti bëjmë si Gjermania, dhe na duhet shumë kohë që ti bëjmë. Një nga gjërat më të bukura është që kur flasin në gjuhë të huaj, nuk merren me njëri tjetrin. Kjo është një temë e brendshme. Kryeministri ka ardhur këtu për marrëdhëniet me Shqipërinë. Gjërat për të cilat flasim janë të interesit të përbashkët se c’ka mes nesh nuk i takojnë. Në gjuhë të huaj nuk flas për probleme të brendshme. Unë fola për revolucionin dixhital, opozita ka një tjetër revolucion në mendje, është e drejta e saj”, tha Rama. Ndërsa sot zhvillohet protesta e dytë e thirrur nga opozita.
Discussion about this post