Protesta e quajtur “rezistencë qytetare” ka hyrë sot në ditën e 34-t në Tiranë, ku qytetarët vijojnë tubimin e tyre kundër qeverisë dhe kërkojnë dorëheqjen e kryeministrit Edi Rama.
Pjesëmarrësit janë mbledhur me pankarta dhe thirrje kundër qeverisë, ndërsa në shesh janë shfaqur edhe mesazhe të forta si “Shqipëria nuk është në shitje” dhe “Atdheu është i yni, jo biznes privat”.
Protestuesit kanë vijuar thirrjet drejtuar qytetarëve për t’u bashkuar në tubim, duke kërkuar më shumë pjesëmarrje në rezistencën e tyre qytetare.
Në disa momente, ata janë dëgjuar duke kërkuar edhe lirimin e personave të ndaluar gjatë protestave të mëparshme: Lironi çunat!
Sipas organizatorëve, disa protestues janë arrestuar gjatë tubimeve të ditëve të fundit, ndërsa të tjerë janë nën hetim, pas përplasjeve me forcat e rendit pranë Kuvendit të Shqipërisë.
Discussion about this post