Deputeti demokrat Enkelejd Alibeaj ka kërkuar nga zv.kryetarja e Kuvendit, Ermonela Felaj që të respektohet rregullorja e Parlamentit për dy kërkesat që ka depozituar PD. Njëra kërkesë ka të bëjë me ngritjen e një komisioni hetimor për investimet strategjike, tjetra për rezolutën për mocion me debat për gjenocidin në Srebenicë.
“Edhe dje ju nuk e përfshitë në rend dite, besoj që kjo është shkelje së paku flagrante e rregullores. Këto ishin shkaqet për të cilat do duhet që ky Kuvend jo vetëm të mbrojë të drejtat e deputetëve por dhe të veprimtarisë normale të marrë masa për të rikuperuar situatën e rëndë të krijuar dje në konferencën e kryetarëve”.
Por zv.kryetarja e Kuvendit, Felaj tha se kërkesa për mirëkuptim në konferencën e Kryetarëve nga mazhoranca ishte që opozita të jepte pëlqimin për kalendarin e punimeve për të parashikuar një seancë plenare të posaçme në 7 korrik në nder të përkujtimit të viktimave nga gjenocidi serb duke marrë dhe kështu dakordësimin e Alibeajt.
“Për në nuk ka asnjë lloj problemi, ne kërkojmë zbatimin e rregullave për të gjithë. Po ua them që tani, nëse ka një kërkesë me atë përmbajtje për atë draft, absolutisht është e mirëseardhur. Do e keni gjithmonë mbështetjen tonë në këtë pikë”, tha Alibeaj.
Discussion about this post