Klubi i Partizanit ka vendosur që të largojë trajnerin Ilir Daja nga stoli i tyre, pas një fazë të parë shumë zhgënjyese për sezonin 2021-2022. Mësohet se tekniku dhe klubi kanë rënë dakord që të ndërpresin kontratën.
Në 15 ndeshje të luajtura në Superligë ‘Të kuqtë’ e kryeqytetit kanë pësuar 5 disfata, kanë marrë 6 barazime dhe 4 fitore, duke grumbulluar gjithsej 18 pikë dhe kështu duke qëndruar në vendin e 6 të tabelës të elitës së futbollit shqiptar.
Ndeshja e fundit që rëndoi më shumë situatën ishte humbja e derbit ndaj Tiranës, duke u rënduar ende më shumë situatën në klub.
Teksa prej javësh përflitet se ky nivel i ekipit ka ardhur për shkak se skuadra është e pakënaqur nga tekniku dhe nuk duan të punojnë me të, teksa shpesh herë ka pasur edhe përplasje mes lojtarëve dhe Dajës.
Ndërkohë ende nuk bëhet me dije se cili do jetë zëvendësuesi i trajnerit Ilir Daja, por faqja e tifozëve ‘Ultras Guerrils’ postoi pak ditë më parë foto të Skënder Gegës, duke kërkuar rikthimin e teknikut që e shpalli Partizanin kampion pak sezone më parë dhe i cili aktualisht është i lirë, pra pa skuadër./K.T/Gijotina.com
Discussion about this post