Etapa e Luis de la Fuente si trajner i kombëtares spanjolle mund të jetë më e shkurtër nga sa pritej. Sipas ‘Cadena Ser’, aventura në UEFA Nations League, në mes të qershorit, mund të shënojë të ardhmen e tij në La Roja pasi grumbullimet e fundit kanë ngritur dyshime dhe është marrë në pyetje nga RFEF (Federata Mbretërore e Futbollit Spanjoll) për të seleksionuarit në përfaqësuese.
De la Fuente, ka bërë të dyshohej për ‘aftësitë’ e tij si trajner i kombëtares që në ndeshjet e para, me rezultatet që nuk kanë sjellë shumë optimizëm.
Fakti që nuk është një trajner i sprovuar në arenën ndërkombëtare thjesht sa i ka shtuar akoma më shumë dyshimet.
Me federatën që është kritikuar, për faktin se, ka menduar të kursejë kur duhej të zgjidhte një trajner më me eksperiencë, sidomos kur bëhej fjalë, për stolin e një-herë kampionëve të botës.
Discussion about this post