Procesi i numërimit të votave, që ka nisur që pas mesnate, po vijon ende në 4 bashki të vendit, pas rezultatit në Vorë dhe në Rrogozhinë, ku PS doli fituese ndaj PD dhe koalicionit “Shtëpia e Lirisë”.
Deri më tani, Partia Socialiste udhëheq me diferencë në 3 bashki të tjera Durrës, Lushnje e Dibër, përveç Shkodrës, ku në krye, me më shumë vota, është Bardh Spahia, kandidati i koalicionit Shtëpia e Lirisë. Kandidatët e Berishës, kanë siguruar ndjeshëm më shumë vota se përfaqësuesit e Bashës, përveç Rrogozhinës, ku PD doli e dyta.
Vorë-Përfunduar
Blerim Sherra, PS- 8431 vota (fitues)
Lulzim Vrana, ShL-2965 vota
Ymer Marku, PD-764 vota
Rrogozhinë- Përfunduar
Edison Memlla, PS-5438
Ferdinand Saraçi, PD-1966
Hekuran Xhani, ShL-1550
Lushnjë-152/157 kuti të numëruara
Eriselda Sefa, PS-20646
Elton Bano, Shl-10940
Indrit Sefa, PD-3661
Dibër-75/101 kuti të numëruara
Rahim Spahiu, PS-11174
Luan Haka, PD-3289
Premtim Kryemadhi, ShL-3729
Dritan Torba, LRE-84
Durrës, 255/337 kuti të numëruara
Emiriana Sako, PS-29381
Luan Hoti, PD-6270
Ardian Muka, ShL-14882
Shkodër, 178/250 kuti të numëruara
Majlinda Angoni, PS-13427
Bardh Spahia, ShL-14989
Xhemal Bushati, PD-5291
Sipas kreut të KQZ, Ilirjan Celibashi, rezultatet përfundimtare për zgjedhjet e pjesshme lokale në gjashtë bashki pritet të dalin ditën e sotme në mbrëmje, ku do të ketë një panoramë më të qartë për fituesit.
Discussion about this post