Grupi i Rithemelimit duket se e ka marrë vendimin de facto që të mos afrojë asnjë demokrat që ka mbështetur Lulzim Bashën, por t’i internojë ata, ndonëse në retorikën politike të tyre shprehen se janë për ribashkim të Partisë Demokratike dhe rikthimin e tyre në pushtet. Këtë e vërteton më së miri qëndrimi i Çlirim Gjatës, i cili nuk kontrollon dot emocionet e tij, teksa përmendet emri i kreut të grupit parlamentar të Enkelejd Alibeajt.
Gjata ishte i ftuar në emisionin Breaking në Top News, për të diskutuar mbi çështjen e zgjedhjes së Presidentit të ri, por sapo moderatorja Elisa Gjerani i ka përmendur emrin e Enkelejd Alibeajt, ai ka braktisur studion, duke u shprehur në mënyrë arrogante se “Nuk flas me të tjerë, dua të flas vetëm gjërat që dua unë”.
Por, kjo mënyrë e sjelljes arrogante nuk na tregon gjë tjetër veç faktit se grupi i Rithemelimit, një prej të cilëve është edhe Çlirim Gjata nuk njohin gjuhën e ribashkimit për të mirën e opozitës, por siç duket vazhdojnë të mbrojnë interesat e Sali Berishës në luftën persona me SHBA për shpalljen “non grata”.
Kjo përplasje duket se veç PD, do dëmtojë gjithë opozitën në procesin e zgjedhjes së Presidentit të ri, duke qenë se Alibeaj, i njohur si Kryetar i Grupit të PD, është thirrur në diskutim në konferencën e kryetarëve për këtë çështje.
Për këtë arsye, kryetari i grupit parlamentar të Partisë Demokratike ka thirrur deputetët demokratë për një mbledhje që zhvillohet këtë të enjte në orën 17:00, në ambientet e selisë blu, por përballë faktit që Alibeaj ka njoftuar deputetët për mbledhje, disa prej deputetëve deklarojnë se nuk kanë një njoftim të ardhur në adresë të tyre, që duket qartë se ka të bëjë me injorimin që i bëhet Alibeajt.
Discussion about this post