Në të paktën dy bashki, Rrogozhinë dhe Kukës, do të votohet sërisht për kryebashkiakun, ndërkohë që në KAS dhe Kolegjin Zgjedhor, vijojnë të shqyrtohen ankesat e opozitës apo kandidatëve të saj, për parregullsitë në procesin e 14 majit.
Në Rrogozhinë zgjedhjet do të ribëhen pas vendimit të Kolegjit Zgjedhor, ndërsa në Kukës pas dorëheqjes së dhënë nga Safet Gjici, i cili u shkarkua gjithashtu me vendim Qeveria, pas publikimit të video-skandalit.
E ndërsa për Rrogozhinën i takon KQZ që të merret me organizimin e procesit, në rastin e Kukësit, Presidenti duhet të caktojë datën.
Por që të në të dy bashkitë procesi të mbahet në një ditë, duhet që KQZ dhe Presidenti të koordinohen dhe dakordësohen për datën, duke pasur parasysh edhe anën teknike të procesit, përgatitjen e infrastrukturës zgjedhore.
Në të dy bashkitë, Kukës dhe Rrogozhinë, në 14 maj, fitues u shpallën kandidatët e PS-së, përkatësisht Safet Gjici dhe Edison Memolla.
Opozita mund të shpresojë që me ripërsëritjen e zgjedhjeve të fitojë këto bashki, duke rritur paksa numrin e njësive vendore që do të drejtojë në 4 vjet.
Discussion about this post