Richard Grenell, ish-i dërguari i posaçëm i ish-presidentit amerikan Donald Trump për dialogun Kosovë-Serbi ka reaguar mbi fjalimin e mbajtur në OKB nga presidenti Biden. Me një postim në Tëitter si shkruan se në asnjë moment Biden nuk e përmendi dialogun Kosovë-Serbi.
Ai shprehet se Shtëpia e Bardhë nën drejtimin e tij nuk e ka përparësi të partnerizohet me Ballkanin.
“Joe Biden nuk e përmend as dialogun Kosovë-Serbi në fjalimin e tij në OKB. Është e qartë se nuk është përparësi për këtë Shtëpi të Bardhë të partnerizohet me Ballkanin në asnjë mënyrë”- shkruan ai në Twitter.
Presidenti i Shteteve të Bashkuara, Joe Biden mbajti fjalimin e tij të parë në sallën e Kombeve të Bashkuara duke trajtuar problemet qendrore me të cilat përballen Shtetet e Bashkuara dhe bota, përfishirë pandeminë COVID-19, klimën, konfliktet botërore, gjendjen në Afganistan, çështjet madhore diplomatike dhe luftën kundër korrupsionit.
Presidenti Biden e hapi fjalën e tij me sfidën që përbën pandemia për botën dhe u bëri thirrje udhëheqësve të vendeve të OKB-së, që të adresojnë ndryshimet klimatike.
