Richard Grenell, ish i dërguarin e Shtëpisë së Bardhës për dialogun Kosovë-Serbi, ka deklaruar ditën e sotme se, qeveria Kurti ka bërë një gabim të madh në refuzimin e projektit amerikan për gazin. Sipas tij, kjo ishte arsyeja që la jashtë Kosovën nga Samiti për Demokraci, organizuar nga Shtetet e Bashkuara të Amerikës.
“Nuk e di pse është refuzuar projekti amerikan për gazin nga Kurti, por është refuzuar një grumbull parash amerikanë për të përmirësuar jetët e njerëzve në Kosovë. Dhe kjo duhet të shpjegohet. Është një gjë e dhimbshme, sepse është për të mirën e progresit demokratik dhe Kosova nuk është ftuar në Samitin për Demokraci. Mendoj që ka arsye të shumta që nuk është ftuar, por mendoj se keni refuzuar shumë para për të investuar në vendin tuaj dhe ky është një problem”, tha Grenell.
Ndër të tjera ai është shprehur se nuk është aspak dakord me politikat e ndërmarra nga kryeministri Albin Kurti, duke theksuar se drejtimi në të cilin ai po çon Kosovën do të jetë në dëm të saj.
Discussion about this post