Pas kontrollit që u bë në ambientet e aeroportit të Prishtinës “Adem Jashari”, alarmi për bombë rezultoi i rremë. Në këtë konkluzion autoritetet mbërritën pasi nuk rezultoi ndonjë mjet shpërthyes.
Tashmë funksionimi dhe qarkullimi në aeroport i është kthyer normalitetit.
“I falënderojmë qytetarët për mirëkuptimin dhe bashkëpunimin e treguar me institucionet e Republikës së Kosovës”, thuhet në njoftimin e policisë.
Tashmë stafi i aeroportit të Prishtinës është ftuar që të futen brenda për të vazhduar punën. Edhe qytetarët kanë nisur të hyjnë brenda në aeroport.
Discussion about this post