Është rihapur konkursi i gradave në Drejtorinë e Përgjithshme të Policisë së Shtetit. Bëhet me dije se 37 efektivë realizuan provimin me shkrim, ku vetëm 18 prej tyre do të përfitojnë gradën e re drejtues i parë.
Konkursi është hapur me urdhër të drejtorit të policisë, pas disa vitesh pezullim të këtij procesi.
Provimi me shkrim është faza e parë për përfitimin e gradës drejtues i parë, pasi të mërkurën do të mbahet dhe faza e dytë e provimi me gojë. Konkurrentët që dalin fitues do të trajnohen më pas për gradën e re.
Për përfitimin e gradës drejtues i parë, konkurrentët duhet të përfitojnë të paktën 70 % të totalit të pikëve, duhet të kenë përmbushur vjetërsinë e punës në gradën paraardhëse, apo nuk duhet të kenë hetime disiplinore. Për të konkurruar për gradën drejtues i parë duhen të paktën 3 vite eksperiencë në gradën paraardhëse, që është drejtues.
Grada drejtues i parë është e gjashta në listë nga 8 grada që janë në total. Me pas janë dhe dy gradat e tjera, drejtues i lartë dhe madhor. Megjithatë konkursi për gradën drejtues i parë nuk është e vetmja, pasi në javët në vijim pritet të hapet edhe për gradën drejtues, ku janë 97 konkurrentë për 40 vende të lira.
Discussion about this post