Parma dhe Interi u përballën në “Ennio Tardini” në ndeshjen për javën e 31-të në Serie A me ndeshjen që u mbyll në barazim 2-2.
Zikaltrit e nisën shumë mirë dhe e mbyllën pjesën e parë në avantazhin e dy golave. Serinë e golave e hapi Darmian në minutën e 15-të, ndërsa Marcus Thuram dyfishoi shifrat në fund të pjesës së parë.
Në 45-minutat e dyta ndodhi befasia e madhe. Parma barazoi shifrat brenda 10 minutave. Në minutën e 60-të do të vinte reagimi i vendasve të cilët do të gjenin golin pas një aksioni të gjatë dhe një super goditjeje në fund të Adrian Bernabe Garcia.
Në minutën e 70-të do të vinte goli i barazimit me Jacob Ondrejka, i ndihmuar dhe nga devijimi i njërit prej mbrojtësve zikaltër.Rezultati përfundimtar 2-2, Interi del vetëm me një pikë nga kjo transfertë.
Zikaltrit kryesojnë me 4 pikë nga Napoli i vendit të dytë, i cili përballet të hënën në transfertë ndaj Bologna-s, në rast fitoreje diferenca shkon 1 pikë.
Discussion about this post