Kryeministri Rama ka vazhduar takimin elektoral me banorë të Bulqizës, në kuadër të turit të zhvilluar në çdo bashki në përgatitje për zgjedhjet e ardhshme vendore. Nga Partia Socialiste ende nuk është zbuluar ndonjë kandidat për kryetar bashkie në zgjedhjet e 14 majit 2023, por sot në Bulqizë, kreu i qeverisë i thuri lavde kryebashkiakut Lefter Alla.
Në fjalën e tij para qytetarëve, Rama u shpreh se Alla është ndër të paktët kryetar bashkie që sipas tij ka kuptuar reformën territoriale, por edhe raportin mes bashkisë dhe fshatit.
“Kryetari i bashkisë meriton të përgëzohet se është ndër të paktët kryetar bashkie, që ka kuptuar se jo vetëm me reformën territoriale bashkia është i gjithë territori brenda perimetrit të saj, por edhe bashkia në raport me fshatin nuk është një autoritet që merret me rrugë, ujësjellës dhe kanalizime, por duhet të futet me thellë për bashkëpunimin, grumbullimin dhe shitjen e prodhimit”, tha Rama.
Discussion about this post