Orët e para të mëngjesit kanë nisur me vranësira dhe shira të dobët në të gjithë vendin por mesdita sjelle ndërprerje të shirave si edhe intervale të shkurtra me kthjellime. Parashikohet që vranësirat të pësojnë sërish zhvillim gjatë orëve të pasdites duke gjeneruar rrebeshe afat-shkurtra shiu. Sipas MeteoAlb e njëjta situatë e paqëndrueshme e motit do të vijoje edhe gjatë natës ku shirat do të jenë prezent.
Temperaturat e ajrit do të ulen në mëngjes dhe mesditë duke luhatur vlerat ditore nga -1°C deri në 18°C. Era do të fryjë mesatarisht me shpejtësi mbi 45 km/h nga drejtimi Jugor – Juglindore, kjo do të bëjë që në brigjet detare të gjenerohet dallgëzim 3 – 4 ballë.
Kosova
Republika e Kosovës, vijon ne ndikimin e vranësirave dhe reshjeve të shiut dhe dëborës ku më të dukshme reshjet paraqiten në pjesën veriore dhe verilindore te saj.
Parashikohet që herë pas here të ketë intervale të shkurtra me kthjellime por vranësirat dhe reshjet e shiut dhe dëborës do të jenë sërish prezent gjatë orëve të vona të natës.
Maqedonia e Veriut
Përgjatë 24-orëshit republika e MV do të vijojë në ndikimin e vranësirave të dendura ku herë pas here do të gjenerojnë reshje te dobëta shiu, nuk do të mungojnë edhe reshjet e dëborës. Orët pasdites dhe mbrëmja sjell intervale me kthjellime në të gjithë MV, priten sërish reshje në orët e para të mëngjesit pasardhës.
Rajoni dhe Europa
Zhvillimi i një qendre te fuqishme ciklonare ne verilindje te Europës do të sjellë reshje të dendura dëbore dhe temperatura të ulëta ne veri-verilindje të Europës. Po ashtu reshje të pakta shiu e dëbore do të bien në Europën Qendrore. Ndërsa Britania e madhe dhe brigjet e Egjeut do te dominohen nga kthjellime dhe vranësira të lehta e kalimtare.
Discussion about this post