Kastriot Ismailaj, i dënuar me 11 vjet burg, “lë” sot qelinë dhe shkon në SPAK për t’u pyetur lidhur me çështjen CEZ-DIA. Mësohet se Ismailaj është pyetur nga prokurori Altin Dumani.
Mësohet se Ismaijal është shoqëruar nga Drejtoria e Përgjithshme e Burgjeve nga burgu i Fierit, drejt Prokurorisë Speciale, ku është marrë dëshmia e tij dhe më pas është transferuar sërish drejt burgut. Mësohet se, ai është marrë në pyetje lidhur me disa udhëtime jashtë vendit.
Ismailaj është dënuar me 11 vite burg për një skemë mashtrimi me kompaninë e tij DIA, e cila duhet të mblidhte borxhet e prapambetura të kompanisë CEZ. Ai u akuzua se përfitoi plot 12 milionë dollarë nga mbledhja e kontratave të papaguara, përmes 9 kompanive. Skema shkaktoi konflikt mes qeverisë shqiptare në atë kohë dhe kompanisë çeke CEZ duke i shkaktuar dëm të madh ekonomik buxhetit të shtetit.
Discussion about this post