Shërbimi Meteorologjik Ushtarak ka bërë parashikimin e motit për këtë javë, duke paralajmëruar rikthimin e të nxehtit afrikan dhe temperaturat e larta. Sipas parashikimit të bërë nga sinoptikanët, kjo valë e nxehtë do të sjellë mot me diell dhe lagështirë të ulët gjatë orëve të mesditës.
Rritja e temperaturave do të jetë e vijueshme dhe do të bëjë që si mëngjeset ashtu edhe mbrëmjet të jenë me vlera të larta temperaturash.
Ditët më të nxehta me temperaturë 42 gradë celcius do të shënohen në qarkun e Beratit, të enjten dhe të premten. Ndërkohë që era do të fryjë jug dhe veriperëndim e lehtë duke sjellë dhe dallgëzim të ulët në brigjet detare.
