Pas disa orësh në kërkim, kryesekretarja e Gjykatës së Lezhës është gjetur sot nga policia në një hotel. Ajo është shoqëruar në komisariat dhe ka dëshmuar lidhur me denoncimin e bërë nga familjarët e saj për zhdukjen e papritur nga shtëpia. Klaudia Marku është shprehur se arsyeja e largimit të saj nga banesa kanë qenë debatet që ka pasur me të shoqin, Oltion Leka. Marku gjithashtu pretendon se është kthyer kur e ka marrë vesh në media se po e kërkonin, ka vendosur të kthehet. Ajo shton se këto orë i ka kaluar në një hotel në Lezhë.
“U largova nga banesa për çështje të brendshme familjare. Jam larguar pas një debati me bashkëshortin. Nuk e kam menduar se çështja do të shkonte kështu. Kam qëndruar në një hotel në Lezhë më ishte bllokuar dhe celulari. Kam mbajtur kontakte me familjen time, duke biseduar me një numër të një punonjësi. Vetëm kur e kam marr vesh nga media që po më kërkojnë”, ka thënë ajo.
34-vjeçarja, nënë e dy fëmijëve të vegjël u denoncua e zhdukur nga bashkëshorti i saj. Në lidhje me këtë çështje prokurori i Lezhës regjistroi edhe një hetim.
Discussion about this post