Shkolla “Ismail Qemali” në Prishtinë nga sot ka kaluar në skenarin C të mësimit, pra në formën online. Ky vendim është marrë si pasojë e rritjes së rasteve me Covid-19 dhe shtrimeve në spitale.
“Pas takimeve të njëpasnjëshme të grupit të Task Forcës së shkollës, dje më 16 janar 2022 dhe sot më 17 janar 2022, për shkak të rritjes së numrit të rasteve dhe përhapjes shumë të shpejtë të virusit, ky grup ka vendosur që nga sot shkolla të kaloj në skenarin C, deri në njoftimin e radhës. Mësimi do të mbahet në platformat online, eshkollori, Zoom, etj”, thuhet në njoftimin e shkollës.
Nga ana tjetër në vendin tonë situata vijon të jetë e qëndrueshme, kjo sipas Komitetit të Ekspertëve i cili gjatë mbledhjes në javën që shkoi, vendosi që masat të jetë të njëjta. Sa i përket mbylljes së shkollave, Mira Rakacolli deklaroi se masat do të merren në varësi të infektimeve. Ndonëse shifrat e Covid-janë në rritje për shkak të variantit Omicron, dhe disa shkolla sidomos në Berat janë mbyllur, Komiteti i Ekspertëve ka vendosur të tregohet indiferent.
Discussion about this post