Rikthehet projekti/ Italia kërkon ujë nga Shqipëria

Italia duket se nuk heq dorë nga ideja e vjetër për ndërtimin e një ujësjellësi nga Shqipëria drejt Pulias.

Jugu i saj raportohet se po përballet gjithnjë e më shumë me thatësirën.

Nga njëra anë e Adriatikut në tjetrën: 85 kilometra tubacione nënujore, 120 km mbi tokë, kaq duhet për të sjellë ujin nga Gjirokastra në Galugnano.

Ideja u rihodh (duke marrë edhe shkas nga studimet e vjetra të fizibilitetit) ishte presidenti i Confindustria Puglia (dhe Bari-Bat dhe Confindustria Albania, që përfaqëson kompanitë italiane që prodhojnë përtej Adriatikut) Sergio Fontana.

Deklarata

“Ne kemi një mundësi të madhe për të trajtuar krizën e ujit në mënyrë parandaluese. Ne mund t’i japim jetë një projekti të madh dhe ambicioz: të ndërtojmë një infrastrukturë mbresëlënëse ujore në detin Adriatik midis Pulias dhe Shqipërisë”, është shprehur Sergio Fontana.

Për të ndërtuar infrastrukturën – e cila do t’i shtonte më shumë se 20,000 kilometra rrjetit të Ujësjellësit Pulian – përllogaritet se do të duheshin 4 vjet punë dhe një miliard euro burime financiare.

Qëllimi është të transportohen 150 milionë metra kub ujë në vit.

Sipas “Corriere”, javët e fundit presidenti i Rajonit të Pulias, Michele Emiliano i shkroi kryeministrit shqiptar Edi Rama për të shprehur interesin për projektin.

Sipas tij, edhe Shqipëria do të kishte një “kthim”, duke qenë se do të hapeshin edhe 8000 vende të reja pune direkte dhe indirekte.