Mbani frymën njerëz! Ka ndodhur ajo që të gjithë prisnim! Bora Zemani dhe Donald Veshaj janë parë nën shoqërinë e njëri-tjetrit, duke shkrirë kështu dhe “borën”.
Kjo ndodhi mbrëmjen e kaluar në eventin e Valdrin Sahitit, ku ky i fundit prezantoi koleksionin e tij të ri. Dyshja janë parë për herë të parë bashkë në publik që pas përfundimit të Big Brother VIP.
Bora u shfaq e veshur me një fustan nga koleksioni i ri i stilistit dhe mori vëmendjen e të gjithëve teksa sfiloi në tapetin e kuq. Pas sfiladës, dyshja u pa së bashku nën shoqërinë e disa miqve të tjerë. Donaldi dhe Bora shihen duke biseduar, ndërsa nuk mungon edhe kujdesi nga ana e aktorit. Ai i ndez cigaren.
Në rrjetet sociale janë publikuar foto e video të dyshes e cila duket se me daljen e parë publike bashkë ka konfirmuar ribashkimin. Vetë ata nuk kanë bërë asnjë postim së bashku.
Discussion about this post