Pas një pushimi rreth dyjavor këtë të shtunë do të rikthehen ndeshjet për kampionatin e Abissnet Superiore. Java e pestë do të zhvillohet në tre ditë, të shtunën të dielën dhe të hënën.
Ky raund siguron ndeshje shumë interesante dhe të forta teksa duket se të dielën dhe të hënë do të kemi tre super sfida.
Teuta do të përballet me Tiranën në orën 13:45, ndërsa po në të njëjtën ditë, por në orën 16:45 Partizani do të përballet me Kukësin.
E hëna rezervon një tjetër takim të fortë atë midis Vllaznisë dhe Dinamos, dy skuadra që deri më tani kanë treguar goxha potencial.
Vendi i parë i kategorisë mbahet nga Tirana dhe Teuta me nga 8 pikë në katër ndeshje dhe më pas me një pikë më pak renditet në vend të tretë Kukësi.
Java e pestë e Abissnet Superiore:
E shtunë, 16/10/2021
13:45 Kastrioti – Skënderbeu
13:45 Laçi – Egnatia
E diel, 17/10/2021
13:45 Teuta – Tirana
16:45 Partizani – Kukësi
E hënë, 18/10/2021
19:45 Vllaznia – Dinamo/K.T/Gijotina.com
