Deputeti demokrat Gazment Bardhi tha në studion e Neës24 se deputetja Jorida Tabaku po konsultohet me anëtarët e Grupit Parlamentar apo edhe strukturat e kësaj partie, përpara se të vendosë nëse do të pranojë ose jo të mbajë funksionin e kryetares së komanduar të Partisë Demokratike.
Bardhi tha se beson se në muajin qershor do të ketë një vendimmarrje lidhur me zgjidhjen e ngërçit të krijuar pas dorëheqjes së Enkelejd Alibeajt si kryetar i PD.
I pyetur mbi një rikthimi të Lulzim Bashës në krye të PD-së, Bardhi tha se do të mbante një qëndrim vetëm nëse do të ndodhte një ngjarje politike.
“Unë kam mbajtur dhe do të mbaj qëndrime për një ngjarje politike kur ajo të ndodhë, nuk jam njeri që merrem me prapaskena dhe as bëj prapaskena”, tha Bardhi.
Discussion about this post